ကိုယ့်နောက်ကွယ်မှာမကောင်းကြံနေတာတွေကို
ကြည့်ပြီး
သူတို့တွေစိတ်ပင်ပန်းနေရှာမှာပဲ
သနားစိတ်ကဝင်လာမိတယ် ။
သနားစိတ်တွေနဲ့ အတူ
ကိုယ့်စိတ်တွေလည်း ပိုပြီးနူးညံ့လာစေခဲ့ပါတယ် ။
ကိုယ့်ကွယ်ရာမှာ ငါ့ကိုမကောင်းပြောနေတာကို
ငါသိသွားရင်ဆိုတဲ့ စိတ်တွေရှိနေမှာပဲ ဂရုဏာစိတ်လေးဝင်ခဲ့ပြန်တယ် ။
ဂရုဏာစိတ်တွေနဲ့အတူ
ကိုယ့်နှလုံးသားမှာလည်း
ပိုငြိမ်းချမ်းစေခဲ့ပါတယ်။
ကိုယ့်နောက်ကွယ်မှာ မနာလိုစိတ်တွေနဲ့ တိုက်ခိုက်နေတာကို ကြည့်ပြီး
ငါ့ကို ပျက်လိုပျက်စီး လုပ်နေတာ
သူတို့စိတ်တွေပူလောင်နေရှာမှာပဲမေတ္တာစိတ်တွေ
ယိုဖိတ်မိနေပြန်တယ် ။
မေတ္တာသာများများထားပေးလိုက်တဲ့အခိုက်တန့်
သူ့အပူကိုယ့်စီမရောက်တော့ပဲ
ကိုယ့်လိပ်ပြာလည်း
သန့်ရှင်းနေစေခဲ့ပါတယ် ။
ကိုယ့်အပေါ်အမြဲတမ်း
အသာစီးကဆက်ဆံနေလည်းစာနာစိတ်နဲ့
သဘောထားကြီးကြီးထား ဆက်ဆံပေးလိုက်တာ
ကိုယ့်စိတ်တွေပိုပြီးတည်ငြိမ်
ရင့်ကျက်လာစေပါတယ် ။
ကိုယ့်အပေါ် ဘယ်သူမကောင်းဘူးဆိုတာ သိပါတယ်၊ ဒါပေမယ့်
မကောင်းသူအတွက်သူလုပ်သမျှကို
ဘုရားက စီရင်လိမ်.မယ်ကိုယ်သာ အကောင်းဆုံးသည်းခံ
စိတ်မွေးမြူ နေထိုင်ရင်း
ဒီဘဝမတင်မက နောင်ဘဝအထိ
ငြိမ်းချမ်းမှုတွေပဲယူဆောင်
သွားလိုက်ပါမယ် ။
လောကကြီးထဲ နှစ်ဖက်မြင်တတ်ရင်
ကျေနပ်စရာတွေချည်းပါပဲ ။
No comments:
Post a Comment